Umpasa Na marragam
- Umpasa Padamehon na Marbada
"Margoddang
sitindaon
manggolang hoda
sigoppiton
tujolo nil
lakkahon
tu pudi
sinarihon.”
“nakkok si puti
tuat si deak
i ... na ummuli
ba i ma ta
pareak."
“Har hari -Har
hari appaulangge
Boha ma
pakkarhari na ai nungnga pudun mate
Har hari -har
hari appaulangge
Boi do ni
harharan nang pe naung pudun mate
Ia pakkarhari na
pina une-une
- Umpasa na rikkot tu punguan
"Tappulan
ni sibaganding
di atas ni
pangiringan
horas na mar
hula-hula nang na mar haha anggi
todditta ma na
marsipairing-iringan”
“Jonok do huta
nainggolan
jonok tu huta
pangaloan
hita ma na mar
sipairing-iringan
tottong ma hita
marsipaolo-oloan"
“Songgop
uttung-uttung tu pinggol ni sanihe
patar do dolok
tolong tatapon sian Balige
Di hita na pungu
on boru, bere, ibebere
horas ma hita
jala gabe
manuppak,
mangasi ma opputta debata dapotan tua hita ganup ripe."
“Asa huta
sigoppulon mai
Di atas na si
mardagang
Asa dapotan
pasu-pasuon saluhut na ma hita i
Asal ma sai ta
gogoi martamiang”
“Balittang pa
gabe
tu mundalhon
sitadoan
arit ta ma gabe
molo olo hita
marsipaolo-oloan”
"Ma
godang-godang accimun
ultongon
pora-pora
asa simbur laho
magodang
penggeng saur
matua”
Andor has, andor
his
andor si
pora-pora
asa jekkar ma natorasna
gabe ma jala
mamora”
Asa dakka ni
hariara
tanggo
pinarait-aitton
ibbur magodang
ma si ucok/sibutet on (goarna)
sitokka ma
panahit-nahiton”
- Umpasa tu na Laho Pinda Inganan
"Songgop si
dao-dao
songgop tu hau
na mikkal
horas ma hamu na
lao
songon ima nang
hami na tinggal"
"Adduhur
pidong jao
si tapi-tapi
pidong ditoba
asa horas ma
hamu nalao
songoni ma nang
hami na tinggal dihuta”
“Napuran
tano-tano
tangging marsi
ranggongan
padatta
padao-dao
todditta ma
marsinganggoman”
songgop ma
apporik
songgop ma tu
seng
borhat pe hamu
saonnari
ro pe hami
museng
- Umpasa tu na Mangapuli
“Sariddan di
pinasa
Napuran
tano-tano
Na mangijam do
hita di hosa
Badani ikkon
mulak do tu tano”
“Asa hotang ma
bi nebe-bebe
Bonang pi nulos
pulos
Asa unang behita
maddele
Ai godang do
tudos-tudos"
“Amani bursok
pagi
Partuak so bal
balon
Asa tinggal ma
hassit i
na jagar nai ma
tu jolo assa on”
“Bagot na ma
dungdung
Tu pilo-pilo
marasar
Sai salpu ma
nalungun
Sai ro ma
najagar”
“Na padot
manortor
Buruk
Lage-lagena
Na padot
mangandung
Ma lakke
holi-holina”
"Pakkat ma
hotang
bulung nai
marliun-liun
sai ditabbai tu
hatta ma di hamuna pangkat dohot paccamotan
sahat tu na
pensiun"
"Dolok ma
di uluan
di toruanna par
tonggolan
denggan ma hamu
gabe pimpinan
saiTottong ma
hamu marsi Paolo-oloan”
“Asa ojak ma
ruma ijuk
Di joloanna ruma
gorga
DiTabbai tuhatta
ma di hamu bisuk
Songoni ma nang
labbas ni roha”
O...pidong
siburuk
pidong ambaroba
molo olo ho
marguru
ikkon dapotan
poda.
0... pidong
ambaroba
pidong harangan
Molo olo ho
mangula
dapotan mangan.
Mangakkat
habbing bajar
Tu bona ni
durian
molo ringgas ho
marsiajar
monang ho ujian.
Hoda ma di jolo
Tali na si
tiopan
poda ni
natua-tua parjolo
rikkot doi
ingoton.
Marsiboan
Langguna do
Songon Hudali
marsiboan
parsorionna do
di si ulu balang
ari.
Marsiula hauma
na
Laos
margabbo-gabbo
Marsiboan na
binotona
Songon dia
petaho.
Sirunggup ma
sitata
Tubu di tonga ni
horma
Molo marpungu
hita
Ta pasada ma
rohatta.
Tubu ma hari ara
Dipar tukkoanni
huta
Tubu ma anak na
pistar jala namalo marroha
dohot boru na
martua.
Tubuan lak-lak
ma tubuan sikkoru
Di dolokni purba
tua
Tubuan anak ma
hamu tubuan boru
Dongan muna saur
matua.
Sigiring-giring
ma si gosta-gosta
Sakkot di
padding-dingan
Hatop ma hamu
mangiring-iring Jala maroppa-oppa
Dapotan ma hamu
nang di Parsaulian.
Asa saba ni
siliddung ma
Batu gadu-gaduna
Taoni songon on
anak ma buha baju di hamu na
Boru mai sipai
dua.
Takki mai jala
halang
galinggang jala
garege
Tubu ma anak
muna partahi ulu balang
Dohot boru muna
parmas jala pareme
Naringgas
martamiang huhut namolo marende.
Ribur do kota
parapat
Jonok mai tu
huta abbarita
Sai dilehon
tuhatta ma di hamu anak na marpangkat
Dohot boru na
gabe wali kota.
Hari ara ma
bonana
Hari ara ma
ujungna
Torop ma anak
muna
torop musema
dohot boru muna.
Artia bona
nibulan
Si paha tolu
bona ni ari
Tubu ma boru
muna si tikkos jabbulan
Dohot anak muna
na malo martahi.
Papan ma
huddulan
Tiang
pangusaddean
Tubu ma anak
muna naboi pangalu-aluan
Dohot boru na
boi parulian.
Lomak ma si
lijjuang
Lomak so
binoboan
Horas ma hamu
marsiajju-ajjuan
Jala mar si
paulaean.
Tao ni Tao Toba
Marhillong-hillong
di tonga-tonga
Sada ma roha
muna nadua
Tubu ma si las
ni roha.
Mangula ma
pangula
Huddul di
gadu-gadu
Burju ma hamu
marsimatua
Songoni ma nang
mardongan sajabu.
Songgop ma
siburuk
Songgop tu
durame
Molo adong hamu
na muruk
Adong ma hamu si
boan dame.
Tibbo do hau
parira
Tumibbo addo hau
maratti
Na ni cita-cita
ni roha muna
jalo on muna mai
saonnari.
Ni iris ma
mangga
Akkup ni gula
puti
Saut pe hamuna
dua
Alami cinta na
mar api-api.
Asa tinappul ma
ari-rang
Na peak di tonga
ni onan
Badan muna naso
jadi sirang
Toddi muna ma marsigonggoman.
- Umpasa na marpariban
Silak-lak ni
sikkoru
Sirege-regeni
appang
Si anak ni
namboru
Si bere-bere ni
damang.
Tubu hau dulang
Dakka nai
mardakka dupang
Hodo boru ni
tulang
homa maen ni
dainang.
Bulung garikkau
Lope-lope di
jolo jabu
Anak ni
namborukku
Tung parekkeli
jolo au.
Tabo do jagal
biang
Di tanggoi tu
sakkalan
Tabo do namar
pariban
Marsi goitan
laho mangan.
Tabo do
mangallang tobu
Molo disi dohot
lakkatna
Tabo do namar
nabboru
Molo naung balga
ianakkon na.
Lomak marboras
ribbang
Di labbungni
gala-gala
Hodo maenni
dainang
Ta pasada ma
rohatta.
Marlereng ma
parlereng
Tarlanggarna
bonani pinasa
Au do ma
mereng-mereng
Gabe halak do
nappunasa.
Aek ni atturge
Di lakkai
parsoban
Si doli
namurget-urget
Natua-tua do
dapotan.
Hae-hae ni hirik
Solot mai di
dakka-dakka
Si doli loja
mangaririt
Na matua do
nappunasa.
Marasar bolo
borngin
Di bonani durian
Si doli
martandang borngin
Sai modom dohot
arian.
Songggop dara
pati
Padua-dua
manggarpasi
Tabereng ma
sidoli
Rappak si boru
manggallangi.
Sopo-sopo di
huta
Di baen deba
parapian
Na poso tinggal
dihuta
Natua-tua
tubalian.
Gajjang hau parira
Gumajjangan do hau maratti
Nani cita-cita ni rohamuna
Jalo on muna ma saonari.
Mangakkat masa tua
Tu rel ni kereta api
Saut pe hamu na dua
Alani cinta namar api-api.
mangakkat ma haruting
Toho tu paddegean ni hoda
Sai tubu ma anakna kariting
Dohot baru muna na malo manggoda.
Ni iris ma mangga
Akkup ni gula puti
Denggan ma hamu marruma tangga
Asa sude halak mamuji.
Peak ma arirang
Di tonga-tonga ni onan
Badan muna so jadi sirang
Toddi muna ma marsigonggoman.
Songgop ma siburuk
Toho ma tu durame
Molo sada hamu na muruk
Sada ma siboan dame.
Martugas ma polisi
Tugas tu sideppuan
Unang hamu marsalisi
Alani sidabuan.
Saba ni siliddung
batu gadu-gaduna
Taon
I songon on, anak ma buha baju muna
Boru mai sipai dua.
Huddul hita di kursi
Manurat di atas meja
Ditabbai tuhatta ma dihamu akka nauli
Sai roma silasni roha.
Sahat au di son
Juppang au ember-ember dohot bokkor-bokkor
Di hamuna hasuhuton on
Sai tubu ma anak na mester dohot boru na
gabe doktor.
Makkuling ma jam beker
Toho pukkul sappulu
Sai tubu ma anak muna na mester
Dohot boru muna na gabe guru.
- Umpasa ni Parjalang
Ni urut do
parbubuan
Di tonian do
partongolan
Nasae leleng na
on
Marsak roha di
bagasan
Marningot hina hassit
lbana di parjalangan
Sudedo sinukkunan
Jala sudedo jinalahan
Mangalului parkarejoan
Asa dapot iba mangan
nungnga
paddokkonni bagian
Di
partubuanni sibaran
Na hassit do
hape partubuanni bawadi
Sudedo
sinukkunan laho mangallang gaji
Dapot do nian 50.000 do gaji sadari
Tarpaksa mai
nioloan Holan alani siak ni bagi
Natutu ma au on...
Magodang
diparalang-alangan
Alang-alang
tu lobuan
Alang-alang
tu biangan
Pangittubu
ni dainang
Di
parsinuan ni damang
Umbaen au songonon maup di
parjalangan.
Hassit ni na
diparjalangan hape
Tung i na ma
dangolna
Pina boa ni nipi
Arsak na di roha
Asima rohani
tuhan i
Di paulak ma
hosa loja
Tinggal ma na
hassit i
Asa roma silasni
roha.
Ribur do huta
tipang
Attar dao sian
pangaloan
Tapa siding ma
parsalisihan
Tapadao ma
parbadaan.
Siattar
simalungun
Sitatap ni
nainggolan
Pinatangisni
nalungun
Ni paksa songon
na halipponan.
Marluga solu
bolon
Solu manopi-nopi
Pungudo nuaeng
dison
Namar baju dohot
doli-doli
Nasida pe dang
muli
Doli-doli pe so
mangoli
Sai asima rohani
tuhani
Dapot ma
sirokkapni tondi.
Songgop
uttung-uttung
Toho tu
tanggurung ni horbo
Martiga-tiga ma
hamu maruttung
Jala tottong ma
hamu sai mangomo.
Laho tu
pangururan
Boluson do huta
abbarita
Tapadao ma
pargulutan
Asa hita
dipasu-pasu amatta debata.
Dao do huta
tipang
Sian kota
pangururan
Tapa dao ma sian
hita parsalisian
Tapa holang ma
akka parbadaan.
Tabo do sakuppippit
Di baen mai
uram-uramni pare
Hata unang pa
hapit
Tibu ma parumaen
pinajae.
Sigadda sigaddua
Silak-lak ni
singgolom
Nasada gabe dua
Na tolu mai gabe
onom.
Jong-jong ruma
godang
Di jolo na ruma
batu
Di dongani
tuhatta ma hita tottong
Jala di tambai
ma dalan ni pasu-pasu.
Ruma na niasi
Di jolona ruma
na markacca
Sai tottong ma
tuhatta na mangasi
Sai dilehon ma
pasu-pasuna.
Baris-baris ni
gaja
Dirura pangaloan
Molo
marsuru-raja
Haduk do so
oloan.
Motor jip motor
jepang
Bosi-bosi
sikurup na
Tung tipispe
ulos on alai gajjang
Tuhapalna ma
pinasuna.
Tonggi panganon
rabbutan
Uttonggian do
panganan pinasa
Sai pajuppang do
hita sogot ni haduan
Molo di paloas
tuhanta.
Ulok sirata-rata
Manang di toruni
sappuran
Horasma
tantaratta
Manang didia
pertempuran.
- Umpasa Laho Martandang
Tabo ni allang
kaccang
Appalagi dung
taucco
Nunga ro au nuaeng
martaddang
Alai boha roha
ni halak ito.
Ia margakku
marga simatupang
Daining do boru
nababan
Hu etong do ho
ito boruni tulang
Alani ido asa ro
au marsitaddaan.
Ia au do marga
simamora
Dainang ma boru
malau
Nunga rohamu ho
las roha
Alani i masuk ma
hamu tu jabu.
Ima da ito...
Ba unang do
lappu mirnip-irnip
Sapporang
mornop-ornop
Mata so tar
pipit
So aha na nihokkop.
sapala-pala
martopak ito
Martopak ma lima
jari
Sapala naung ro
hamu ito
Paboa maksud muna
saonari.
marga mi ma da
ito songon margani dainang
ba ito ma
maranak ni namboru, asa au marboru ni tulang
Nunga lehet
rohakku homa nian parumaen ni dainang
Boha roham ito?
Hita ma marsikukunan.
Uta-uta ni tojak
Tullonggur na mallisik
Molo nungnga dos
rohani hita batak
Mangalua mahita
sip-sip.
mardalan ma
pardalan
Borasni mangga
ma ni lakkatan
Denggan do hita
marsisukkunan
Alai aha do
maksud dohot tujuan?
boras ma hupiari
Borasni mangga ma
hulakkati
Denggan ma jolo
hatami hu pikkiri
Haduan pe
taulahi.
Habang ma apporik
Songgop tu atas
ni seng
Mulak majo ito
saonari
Rope hamu museng.
Talettek do
jorbing
Jabbar ni mata
do borngin
Sapala naung
makkatai hita ito
Ta torusson ma
jo saborngin.
nisattik ma
korek api
Suarana malletes
Nunga mauas
sibauadi
Buat itokku majo
saotik tes.
Boccor do ito
serep
Songon na losok
do rahakku meret
Alana aupe ito
parroha na serep
alai laho pe au
tu dapur meret.
Nion ma ito tes
Nahuboan sian dapur
Asal ma roham ito
tettes
Pakkataiotta on
denggan marcappur.
Mangakkat ma
padidit
Toho tu dakka
dupang
Ro au ito
mangaririt
Na sinuru ni
dainang.
Bagak do hu ida
bajumu
Ragi nai ragi
narara
Denggan majo
baen alusmu
Asa adong paboaon
tu huta.
Lasma roha ni
dainang
Mekkel ma dohot
damang
Hupaboa ito
nuaeng boru ni tulang
Alana hita nungnga
marsisukkunan.
Asa huta purba
tua
Hatubuan ni
simar tolu
Homa dongan ku
saur matua
Rappak ma hita
mangalului ngolu-ngolu.
Mardalan ma
kareta
Mardalan di
pasar puti
Ta torusson ma
marruma tangga
Ihutton ma au
sian pudi.
Sogot do tu
balian
Botari mulak tu
huta
Denggan ma hita
marsiajjuan
Asa sonang ruma
tanggatta.
Ruma tangga
nauli
Ima mardongan
sajabu
Tuhatta ma
tapuji
Asa hita
tarpasu-pasu.
Sikkam nama jolo
Pisang si sore
dilemari
Ta sippan nama
jolo
Tidak ada komentar:
Posting Komentar