Hata
Patujolo
Parjolo ma tadok mauliate godang tu amangta namartua debata
disiala asi dohot holong ni rohana ima namangalehon parbinotoan dohot
pikiran laho manungguli manang paturehon angka paradaton khususna di halak hita
batak aggiat boi marningot poda sian ompungta naparjolo tubu i. alana ido tano
padan na tininggalhon ni ompungta na parjolo tubu I, gabe tubuma sihol ni
roha,marningot angka podai, asa gabe adong dalanta marsihaholongan.
Alai
tungpe adong website on di surat hami dangna laho patuduhon manang patujolohon
hapistaron hami, di bahen I molo tungpe adong na hurang lobi taringot tu isi ni
website on,naeng ma nian rampak hita marsipaingotan jala marsisungkunan, asa
boi hita marsadani roha jala boi hita rampak laho pature-turehon manang
pauli-ulihon nahombar tu paradatontai,Alana huboto hami do godang dope
nahurang-lobi tarsingot tu isi ni website paradaton on.
Hata huhuasi
Adongpe website paradaton on asa
adong do dalanta laho manungguli akka paradaton na pinukka ni opputta sijolo-jolo
tubu I,asa rappak hita laho pature-turehon huhut padimun-dimutton nahombar tu
paradatottai, asa unang mago nian adat habatakhottai lumupi dihita naung
marserak di desa na ualu na adong di seluruh Indonesia sahat tu akka pangaratto
na diluat portibion, khususna popparan ni opputta si raja batak. Asa dapot
songon ni dokni uppasa on:
“Pauk-pauk tarugi
tu pauk-pauk ni hudali
sega ta pauli
na tading ta ulahi"
“Pauk-pauk tarugi
tu pauk-pauk ni hudali
sega ta pauli
na tading ta ulahi"
naeng ma nian dibagasan sadani roha hita saluhutna laho pature-turehon paradaton na hombar tu habatakhonta, unang gabe dang mangattusi be pinopparta tu jolo assaon…!!!,asa adong tona na pasti sirohahonotta tu ganup akka popparatta, ai argado adat habatakhotta i makkorhon holong ni roha jala mattak pasu-pasu do I (makhorhon) akka ragam ni pasu-pasu silehon-lehon na denggan sian amatta na martua”DEBATA”
asal
ma toho ta ulahon di bagasan holong na ma molim, asa tarida songon nidok ni
uppasa on:
“Rupiah pe rupiah
rupiah ni passur batu
tudia pe tudia
dosni roha do nomor satu”
“Rupiah pe rupiah
rupiah ni passur batu
tudia pe tudia
dosni roha do nomor satu”
sai
anggiat ma nian website on boi pasunggulhon tu rohani hita saluhutna, sihol dohot
holong na hombar tu paradatotta asa songon ni dokni sijolo-jolo tubu:
“Lomak ma andor soit
lomak so binaboan
asa horas na di bona pasogit
horas ma nang na dipangarattoan”
“Lomak ma andor soit
lomak so binaboan
asa horas na di bona pasogit
horas ma nang na dipangarattoan”
tabe godang ma sian hami na patomu-tomuhon website on…
Panurat
Marolop Sigalingging, S.Pd
Marolop Sigalingging, S.Pd
Panuturi
✝️Daslan.M.T.Sigalinging
Dalihan Natolu
On ma lambang ni habatahonta, digoari mai dalihan natolu pa opatton
sisihal-sihalina.
- Somba marhula-hula
- Manat mardongan tubu
- Elek marboru, paopathon sisihal-sihalina
- Denggan mardongan sahuta
Ia si sihal-sihalina attar songon ganjal ni dalihan i do i, asa hot
hudon i diginjang ni dalihan i. Olo do hot dalihan i alai mereng inganan na,
jadi molo so digajjal mereng ma dohot hudon i, I do dibaen na angkot ganjal nai.
Umpasa ni Dalihan Na Tolu
“Dolok ni purba tua
hatubuan ni simartolu
pasu-pasu sian dongan sabutuha
haro-roanni tondi ni anak dohot dalanni ngolu”
“Ni bolus purba tua
dalan tu parsikkaman
pasu-pasu sian hula-hula
parohon tua dohot
dalan ni pandaruman”
“Obuk do jabbulan
nidaddan mai bahen samara
tamiang sian boru sipudun jabbulan
ima parohon tua soada mara”
nidaddan mai bahen samara
tamiang sian boru sipudun jabbulan
ima parohon tua soada mara”
“Hatitioran di bukkulan ni ruma
pamittoran ima dongan sahuta”
BUTUH MODAL USAHA, DANA TUNAI..?
KLIK..!!
Tidak ada komentar:
Posting Komentar